Saturday, 14 April 2012

ദൂരെ പെയ്യുന്ന മഴ




നീ വന്നെത്തുന്നതു വരെ
സമയത്തിന്
എത്ര ദൈയിര്‍ഘ്യമായിരുന്നു...

നീ പലതും
പറഞ്ഞിരുന്നപ്പോള്‍
ഞാനൊന്നും
കേള്‍ക്കുന്നില്ലായിരുന്നു...

ഞാന്‍ നിന്നെ
കാണുകയായിരുന്നു...

ഹൃദയം കവിഞ്ഞ്
കണ്ണുനിറച്ച്
ഒഴുകിയതെന്താണ്!!!
കണ്ണുനീരോ?
സ്നേഹമോ?

കാറ്റില്‍
ഇലകളടര്‍ന്ന്
ഈ മുറ്റമാകെ നിറഞ്ഞതും,
മഴപെയ്തീ
തൊടിയാകെ നനഞ്ഞതും
ഞാനറിഞ്ഞില്ല...

നീ പോയതിനു ശേക്ഷം
ഓരോ ഇലയും
എന്‍റെ മുന്നില്‍
അടര്‍ന്നുവീഴുന്നു...
മഴയെത്ര ദൂരെ
പെയ്തു നില്‍ക്കുന്നു...

നിന്‍റെ അസാനീദ്ധ്യം
ഓര്‍മ്മിപ്പിച്ചുകൊണ്ട്
അകലേയെങ്ങോ
ഒരു തീവണ്ടി
എന്‍റെ ഹൃദയം
കീറിമുറിച്ച്
കടന്നുപോകുന്നു...

No comments:

Post a Comment

Blogger Widgets