എന്റെ കാമുകിയുടെ
മുലകള്ക്കിടയിലൂടെ
ഒരു നദി ഒഴുകിയിരുന്നു .
പണ്ട്
അവളുടെ
മുലകളുടെ ചൂടിനെ
തണുപ്പിച്ചുകൊണ്ടു
അത്
പാതാളത്തിലേക്ക്
ഒഴുകിയിരുന്നു .
എന്റെ പൂര്വികരും
അവളെ പ്രണയിച്ചിരുന്നു ,
അന്നെല്ലാം
അവളുടെ മുലകള് നിറയെ
വനം ആയിരുന്നത്രേ
കിളികളും
കളകളും നിറഞ്ഞു
പാമ്പും പഴുതാരയും
ഇഴഞ്ഞു നടന്നൊരിടം .
ഇന്ന് അതിന്റെ ഫോസിലുകള്
ഞങ്ങള് കണ്ടെടുക്കാറുണ്ട്
തരിശായ
അവളുടെ മുലകള് ഇന്ന്
രണ്ടു
അഗ്നി പര്വ്വതങ്ങള് ആയി
പരിണമിച്ചിരിക്കുന്നു .
ഞങ്ങള്ക്കിപ്പോള്
ഉറക്കമില്ല
ആ രണ്ടു അഗ്നി പര്വ്വതങ്ങള്
എപ്പോള് ആണ്
പൊട്ടിത്തെറിക്കുക എന്ന്
ആര്ക്കറിയാം ......?
No comments:
Post a Comment